Swen Moritzen Libros

Die Tollsens erscheinen auf den ersten Blick als eine gewöhnliche Familie, doch hinter der Fassade verbirgt sich ein Geheimnis: Vadder Andres und die anderen Familienmitglieder sind allesamt Hexen. Diese überraschende Wendung führt zu spannenden und magischen Abenteuern, die das Leben der Navers auf den Kopf stellen. Die Geschichte thematisiert die Herausforderungen und Geheimnisse, die mit einem solchen Erbe verbunden sind, und zeigt, wie die Charaktere mit ihren besonderen Fähigkeiten umgehen.

"Aver een mutt je de Saak op'n Grund gahn. Denn wenn dat in'n heelen Farriswoold keen Zegen mehr gifft, denn warrt sik Witschen un Nökken böös in'e Haar kregen." "Daar hest wat wahrs seggt!" süüch Nourka. "Dat Zegenstehlen is'n böös Ding! Aver dat daar Wiiken ehr Hänn in't Spill hebben schall... Nee! Dat süht mi ehr na Verraat ut. Daar kanns op speen! Schasst man sehn, hebbt wi eersmaal Wiiken funnen, denn warrt sik dat amenn uk rutstellen, dat daar'n ganz anners een daarachter stickt." De Woudlöper Nourka un de Nöksch Wiiken hebbt sik siet ehrn eersten Aventüür ineenanner verkiekt un wüllt vun nu an tosamenbleben. Leeder künnt ehre beiden Völker sik nich verknusen, As Wiiken denn uk noch verswinnen deit, warrt dat Slaag üm Slaag ümmer leeger. Den Witschen warrn de Zegen wegstahlen un uk bi den Nökken löppt nich allns to'n Gooden. Tosamen mit sien Fründen Moosa un Hassel maakt sik Nourka op'e Reis na't Nökkenriek. Bet he endlich Wiiken wedderfunnen hett, mööt se veele Gefahren bestahn. De tweet Deel vun de plattdüütschen Fantasi- Trilogi

"De Woudbaar deit sik blot den wiesen, den he darto bestimmt hett. De Woudbaar hett sik numaal Nourka utsöcht. Nourka mutt sik fügen un versöken, sien Stamm to retten." De oole Schamanin schickt den jungen Woudlöper Nourka op de Reis. Denn siet veelen Maanden will in'n Woudenland de Winter nich vergahn un uk de Sünn lett sik siet veelen Weken nich mehr sehn.Üm dat Överleben vun sien Stamm to retten, mutt Nourka den Eensam Hude opspöörn un em dat Stammesleed singen. Man leeder sünd de Stropen ünner dree Stämm opdeelt worrn. Sodennig mutt sik Nourka op'e Reis maken un de annern Stämm opsöken. Eers wenn he dat heele Leed vullstännig hett, kann he de Witschenwelt retten. He beleevt veele Aventüern un lehrt anner Völker kennen. Afsünners de Nöksch Wiiken, wekke he vör bösen Wülf rett, hett em dat andaan. De eerste Fantasieroman op Platt- för all de ehr Höög an spannen Geschichen hebbt.

Jüst in den Ogenblick as de Huusdöör togüng, flöög dat Hoffdoor to beiden Sieden op, un allmächtig groote Keerls mit iesern Kappen un Wapen keemen in den Hoff trammst. Moosa drück Reetje un Lark wat dichter in den Tuunschatten. As 'n Muus, de mit ehrn Jungen op de Katt luurt, stünn de daar. Lark un Reetje güng dat nich anners. Witt as'n frischkalkte Wand deen sik Broder und Söster bi de Hänn fasthollen. In'e Twischen weern de Halvriesen op dat Wahnhuus tostört. As weern se mall, deen se mit de Äx de Huusdöör tweiklöben. Daar sünd se wedder all: Nourka, Wiiken, Hassel un Moosa. Dörtig Jahrer laater is de heele Farriswoold wedder in Gefahr. Man ditmaal kregen uns Helden Help vun ehren Gören. De letzte Deel vun de plattdüütschen Fantasi-Trilogi

An een Summerabend kümmt Andres Tollsen vun sien Arbeid na Huus. De heele Familie freit sik op de Ferienreis, de glieks an neegsten Dag loosgahn schall. Man dat kümmt allns ganz anners. Noch vör Dau un Dag warrt Andres vun sien Fruu weckt. Beide mööt ut'n Huus flüchten. Ünnerwegens veräät se em, dat se eegens 'n Hex is un dat se ut'n anner Welt kümmt. Man, dat is nich allns, wat Andres verknusen mutt. He kriegt to weeten, dat sien Welt mit dree Blangenwelten (Paralleluniversen) verbunden is. Leeder gifft dat 'n Koppel Töverers, de in allen Blangenwelten de Macht an sik rieten un allns na ehrn Willen ümkrempeln wüllt. Dat Schicksaal vun allen Welten liggt nu in den Hännen vun sien Fruu un em. Tosamen beleevt se veele Aventüürs, lehrt Götterwesen kennen, un uk ehre Kinners speelt in disse Fantasigeschich noch een wichtig Rull.

Dat Walross Kuddel is op en Füürtaarn to huus. Mit de Postmööv Frederike un annern Deerten beleevt he veele Aventüür. He kriegt dat mit en Spöök ut en Seekist to doon, argert sik mit de Schaap vun Oma Miene rüm un Korl-Unkel vertellt em dat dickste Seemannsgarn. Toletz mutt Kuddel na Schottland reisen un sien Unkel de greesigen Nipptieden befreen. Fiefteihn lütte Geschichen för Plattsnacker, de söben Johrer un öller sünd. To'n sülm leesen oder to'n Vorleesen.

Ein Märchenroman auf Platt. De Königsdochter Merete steekt böös in'e Kniep. Ehr Vadder, de König, is starvenskrank. He kann blots mit'n Krall vun een Draken ut Bargistan gesund warrn. De Töverer Magnus kann helpen, he will avers as Lohn Merete to'n Bruut hebben. Merete maakt sik mit een wat töffeligen Töverlehrling op'e Reis in dat wied afliggen Bargistan.